Бекхем АҚШ футбол Шўҳрат залига киради

Бекхем 51 ёшда. Шўҳрат залидан ўрин унга хизмат кўрсатган футболчилар орасида ўтказилган овоз беришда насиб этди. Қарор ҳақида унга пайшанба куни MLS бошқарувчилар кенгашининг мажлисида маълум қилинган.

Америкадаги йилларини у ғайриоддий саёҳат деб атади ва бу мамлакатда лига ҳамда футболни яна узоқ ривожлантиришни хоҳлашини қўшди.

Млсда олти йил

2007-йилда Бекхем «Реал Мадрид»дан Лос-Анжелес Гелексига ўтиб, беш йиллик шартнома имзолади. Шу давр маълумотларига кўра, келишувнинг умумий қиймати 128 миллион фунт стерлингга баҳоланган.

Гелекси сафида у барча турнирларда 124 ўйин ўтказиб, 20 гол урди. Клуб билан икки марта MLS Кубогини ва икки марта Мухлислар қалқонини қўлга киритди. Бу олти мавсум лиганинг халқаро обрўйини сезиларли оширди. 2009 ва 2010-йилларда Бекхем ижара асосида италиялик «Милан» сафида ҳам чиққан.

Футболчилик фаолиятини 2013-йилда якунлади. Кейинроқ «Интер Маями»нинг ҳаммулкдорига айланди — айнан шу клуб 2023-йилда Лионел Месси билан шартнома тузган.

Ёнида — икки жаҳон чемпиони

Бекхем билан бирга Шўҳрат залига АҚШ аёллар терма жамоасининг собиқ футболчилари Меган Рапино ва Жули Эртс ҳам киради. Иккаласи номзодликка чиқиш ҳуқуқини олган биринчи йилидаёқ саралашдан ўтди. 41 ёшли Рапино ва 34 ёшли Эртс жамоа билан 2015 ва 2019-йиллардаги жаҳон чемпионатларида ғолиб чиққан.

Олтин топ соҳиби Рапино ижтимоий тармоқда буюк футболчилар, собиқ жамоадошлар ва дўтлар ёнида бундай этирофга сазовор бўлиши муваффақиятли фаолият ва буюк жамоаларда иштирок этишдан далолат беришини ёзди. Бекхем учун бу — «Америка» давридаги яна бир этироф: у хавфли тажриба сифатида бошланган эди, энди эса расман эътироф этилди.