Фернандес «Манчестер Юнайтед»нинг иккинчи шартномасидан воз кечган бўлиши мумкин

Музокаралар ёздан бери давом этмоқда: футболчи «Манчестер Юнайтед»нинг биринчи таклифини рад этган эди, яқинда клуб шартларни яхшилади. Бироқ 32 ёшли ярим ҳимоячи ҳамон қаноатланмаган, шунинг учун томонларни янги учрашувлар кутмоқда. Баҳсли масала иккита: маош ва янги келишув муддати.

Вақт футболчи фойдасига ишлаяпти. Фернандеснинг амалдаги шартномаси 2027-йил июнигача амал қилади. Демак, январдан бошлаб у хорижий жамоалар билан музокара олиб бориб, бепул трансфер билан кетиши мумкин.

«Манчестер Юнайтед»нинг қўлида ҳам ҳозир бор: шартномада 12 ойга узайтириш опсияси ёзилган. Клуб ундан фойдаланса, январда хорижий клублар билан музокара олиб бориш ҳуқуқи йўқолади. Ҳар қандай ҳолатда ҳам, нашрнинг ёзишича, раҳбарият сардорни сақлаб қолмоқчи.

Ёзги бир тафсилот ҳам қизиқ. Фернандеснинг 2024-йилда имзоланган шартномасида 65 миллион евролик компенсация банди бор эди: ундан фақат хорижий клублар фойдалана оларди, бироқ унинг амал қилиш муддати тугади. Шундан кейин сардорни сотишга «Манчестер Юнайтед» шошилмади.

Манзара оддий эмас: клуб футболчини қолдирмоқчи, футболчининг ўзи эса Тҳе Атҳлетик тасвирида Манчестерда карерасини давом эттиришни инкор этмайди, бироқ аввалроқ кетиш йўлини очиқ қолдирган. Устига, бу шартнома Фернандес учун карерасидаги сўнги йирик келишув бўлиши мумкин. Жим Ретклифф давридаги клуб раҳбарияти эса маош бюджетини қисқартирмоқда ва харажатни натижа билан солиштуриши керак. Охшаш мисол сифатида Муҳаммад Салаҳнинг 2025-йил бошларида Ливерпулдаги шартнома тарихи келтирилади.

«Манчестер Юнайтед» кейинги ўйинни айнан «Ливерпул»га қарши ўтказади: 22-ноябр куни Тошкент вақти билан соат 21:30да, Премьер-лигада.