Кейннинг энг катта қўрқуви — «кўпроқ қила олардим» деган афсус

Кеча эрталаб ёзгандик: «Уэмбли»да Кейн терма жамоа тарихида энг кўп ўйин ўтказган ягона футболчига айланиши мумкин. Энди бу ҳақда унинг ўзи гапирди. Тантанали нутқ ўрниға эса нега унга ҳамон камлик қилаётгани ҳақида суҳбат чиқди. «Уэмбли»даги учрашув Тошкент вақти билан 00:45да бошланади.

«Исботлаш» — бир умрга

Кейнга 33 ёш. У Англия терма жамоаси тарихидаги энг яхши тўпурар ва «Олтин тўп» соҳиби. Энди бемалол дам олса ҳам бўладигандай. Бироқ унинг айтишича, ҳақлигини исботлаш одати Арсенал академиясидан қолган. У ердан уни саккиз ёшида қўйиб юборишган. Кейин асосий таркибга ярамаслигидан шубҳаланган Тоттенҳем мураббийлари, муваффақияциз ижаралар ва терма жамоада уни эрта «ҳисобдан чиқарган» шубҳачилар бўлди. Ҳар қандай «сен эплай олмайсан» деган гапни у ёқилғига айлантиради.

«Менимча, бу ҳеч қачон йўқолмайди»

Уни яна бир куч ҳаракатга келтиради — қўрқув. Кейн энг кўп карера охирида «яна бир оз кўпроқ қила олардим» деб ўйлаб қолишдан қўрқади. У барча «кўприк»лардан ўтишни истайди, токи кейин, айрим рекордларга эришмаган тақдирда ҳам, тинч ухлай олсин. Унинг қўшимча қилишича, вазмин феъл-атвор ўзини марказга қўядиган юлдузларникига қараганда камроқ иштиёқ дегани эмас. Қатъиятга мисол қилиб у америкалик Том Бредини келтирди.

Рунидан Олисегача

Кейн 2015-йил баҳоридаги илк терма жамоа йиғинини ҳам эслади. У ҳаяжонда эди. Унга биринчи бўлиб капитан Уэйн Руни гап қотди ва шунчаки ўзинг бўл, деб маслаҳат берди. Машғулотда ишонч пайдо бўлди, ўйинда эса Кейн Руни ўрниға захирадан майдонга тушди ва 79 сониядан кейин гол урди — терма жамоа либосида тўпга учинчи тегишида. Икки йилдан сўнг Гарет Саутгейт даврида капитанлик боғичи унинг ўзигаю топширилди.

Ҳозир Кейн бу қанчалик эрта содир бўлганига ҳайрон. Баварияда у Майкл Олиседан ёшини сўраган, «23» деган жавобни эшитиб, ўзи шу ёшда аллақачон Англия капитани бўлганини эслаган. Унинг айтишича, боғични таққандаги туйғу ҳамон худди биринчи мартадагидек.

Ўйин куни нима бўлади

Петер Шилтон бу ютуқ шарафига Кейнга махсус кепкани шахсан топширади, капитан эса «Олтин тўп»ни «Уэмбли» трибуналарига кўрсатиши керак. Кейннинг тан олишича, у сўнги ҳафталарни ҳали англаб етмаган: ўтган ой рекордни такрорлагач, дарҳол кейинги йиғин ҳақида ўйлаган. Ҳаммаси ҳақида қишки танаффусда, қайсидир пляжда ўйлаб олмоқчи.

Бу ўйиндан сўнг Кейн Баварияга қайтади: навбатдаги учрашув — 21-ноябр куни Бундеслигада Кўлн билан, Тошкент вақти билан 00:30да.