Миланнинг январ режаси: марказий ва чап ҳимоячи, ҳужумчи

Бу италян нашрининг маълумоти, режанинг ўзи расман тасдиқланмаган. Аммо жамоани кучайтириш ҳақидаги ваъдани Геррй Кардинал берган. Сўнги интервюларида у қишда Милан янги футболчилар билан кучайишини айтган. Мақсад аниқ: чемпионатнинг иккинчи ярмида Рубен Аморим ҳозиргидан кенгроқ ва кучлироқ таркибга таяна олиши керак. Агар жамоа Европа лигасининг плей-офф босқичига етиб борса, у ерда ҳам.

Заиф нуқта — ҳафта ўртасидаги ўйинлар

Янги футболчилар нима учун кераклигини рақамлар яхши кўрсатиб турибди. Аморим таркибни алмаштириб, захирадагиларни майдонга туширишга мажбур бўлган заҳоти жамоада муаммолар бошланарди. Ҳафта ўртасидаги учрашувларнинг фақат биттасида Милан ғалаба қозонган. Бу Залсбургдаги 4:0 ҳисобли ўйин бўлиб, унда Сиссе тарихий хет-трик қайд этган.

Қолганларининг барчаси мағлубият билан тугаган. Милан уйда Бенфикага 0:2 ҳисобида ютқазган, бу жамоанинг бир ярим йилдан бери Европадаги илк ўйини эди. Сўнг Борнмутга 0:3 ҳисобида мағлуб бўлган. «Сан-Сиро»да Болоняга 2:4 ҳисобида ютқазган, меҳмонлар ҳисобни тиклаб олишга улгурган. Энг сўнгиси эса Ферентсварошга уйда ютқазилган ўйин. Аморим захирадагиларга имконият берган ҳар сафар улар уддасидан чиқа олмади.

Тез орада бу турнирларга Италия кубоги ҳам қўшилади. Шу билан бирга Милан ҳам скудетто, ҳам Европа лигаси учун курашмоқчи. Шунинг учун, нашр ёзишича, таркибни кучайтиришни январдан кейинга суриб бўлмайди.

Илк харид — футболчи эмас

Милан биринчи харидни аллақачон амалга оширган, лекин бу футболчи эмас. Маркус Крёше 1-январдан клубнинг янги Ҳеад оф Фоотбалл, яъни футбол бўлими раҳбари лавозимига расман киришади. Аслида немис мутахассиси ҳозирданоқ Милан учун ишлаяпти ва Милан шаҳрига муддатидан олдин келиши мумкин. Унинг ортидан Франкфуртда бирга ишлаган ишончли ёрдамчиси ҳам келиши эҳтимоли бор. Агар у Германияда фаолиятини давом эттирмасликка қарор қилса, Крёше изидан келиши эҳтимоли жуда юқори.

Режа аллақачон тайёр. Клубга янги марказий ҳимоячи, чап қанот ҳимоячиси ва Рамушнинг ўрнини боса оладиган ҳужумчи керак. Айнан қайси футболчилар ҳақида гап кетаётгани ҳозирча номаълум. Янги хабарлар чиқиши билан бу режага қандай исмлар қўшилаётганини айтиб бораман.