Силва, Диас ва Палиня Уэлсга қарши ўйинда иштирок этмайди

Диас ва Жоао Палинянинг Уэлсга қарши ўйинда иштирок этмаслиги олдиндан маълум эди: иккаласи шанба куни Дания билан учрашувда сариқ карточка олган ва энди дисквалификация муддатини ўтмоқда. Силва ҳақидаги хабар анча аччиқ бўлди.

Терма жамоанинг янги сардори данияликларга қарши алмашиб майдонга тушди ва 90+3-дақиқада гол урди, лекин Уэлсдаги ўйинга тайёр эмас. Португалия Футбол федерацияси хабарига кўра, тиббиёт ходимлари Силвани кўрувдан ўтказди, саломатлик ва самарадорлик дирексияси уни ўйинга яроқсиз деб топди. Шундан сўнг ярим ҳимоячига лагердан кетишга рухсат берилди.

Уч нафар футболчини йўқотгач, бош мураббий Жорже Жезушда 24 футболчи қолди. Шанба куни португалияликлар уйда Данияга 1:4 ҳисобида ютқазди. Шунинг учун мураббий ўғир мағлубиятдан сўнг ва муҳим футболчиларсиз ҳал қилувчи ўйинга жамоа йиғиши керак.

Ўйин муҳим. A4 гуруҳида якка ўзи етакчиликни қўлга киритиб, Миллатлар лигаси чорак финал босқичида сараланган жамоа мақомини олиши учун Португалияга Уэлсда битта очко етарли.

Якшанба куни жамоа маҳаллий вақт билан 11:00 да «Брага» клубининг спорт марказида ёпиқ тарзда тикланув машғулоти ўтказади, кундузи эса Уэлсга учади. Душанба куни соат 17:00 да «Кардифф» стадионида майдонда машғулот белгиланган. Уэлс — Португалия ўйини 18-ноябрга ўтар кечаси, Тошкент вақти билан 00:45 да бошланади.