«Mançester Yunayted» maşğulotlarini Karriksiz kim ötkazadi?

Kunduzi Karrikning ketişi va uning örniga Poçettino tayyorlanayotgani haqida yozgan edik. Endi klub yaqin kunlarni qanday ötkazişi maʼlum böldi. «Mançester Yunayted» futbolçilari qisqa taʼtilga çiqadi. Bu dam oliş Karrik ketişidan oldin rejalaştirilgan edi va jumada boşlanadi. Terma jamoaga çaqirilmagan futbolçilarga xalqaro tanaffusda bunday dam beriş Premyer-liga klublarida odatiy hol.

Poçettino va kompensatsiya

Hozir Poçettino AQŞ terma jamoasini Gaiti bilan ikki öyinga tayyorlamoqda. Uçraşuvlar şanba va çorşanba kunlari bölib ötadi. Uni olib ketiş uçun «Mançester Yunayted» Amerika federatsiyasiga taxminan 10 million dollar (7,4 million funt) kompensatsiya tölaşi kerak. Poçettinoning ştabidagi tört kişi uçun ham alohida pul tölanadi. Ular orasida yordamçilar Xesus Peres va Migel DʼAgostino hamda darvozabonlar murabbiyi Antonio Ximenes bor. Ular 2009-yilda «Espanyol»dan boşlab Poçettino qayerda işlamasin, u bilan birga bölgan. Klub tayinlov haqida hali rasman eʼlon qilmadi.

Maqsad — Poçettino 22-noyabr kuni «Enfild»da «Liverpul»ga qarşi öyinga ulgurişi. Uçraşuv Toşkent vaqti bilan 21:30 da boşlanadi.

Zaxira variant va murabbiylar ştabi

Futbolçilarning aksariyati hozir terma jamoalarda, şu bois keyingi hafta Karringtonga qisqargan tarkib qaytadi. Agar şu paytgaça Poçettino rasmiylaştirilmasa, maşğulotlarni Darren Fletçer ötkazişi mumkin. U Ruben Amorim ketganidan keyin asosiy jamoani boş murabbiy vazifasini vaqtinça bajaruvçi sifatida ikki marta boşqargan. Trevis Binnion va Kreyg Mouson klubda qolsa, ular Fletçerga yordam berişi mumkin.

Karrikning yordamçilari taqdiri haqida klub heç narsa demadi. Maʼlumotlarga köra, uning ortidan assistent Stiv Xolland hamda asosiy jamoa murabbiylari Jonatan Vudgeyt va Jonni Evans ham ketgan.

Karrik jamoani quyi ligaga tuşiş zonasida qoldirdi: ön turda sakkiz oçko va bor-yöği bitta ğalaba. Bu «Mançester Yunayted»ning söngi 40 yildagi eng yomon starti. Yangi murabbiy işni «Liverpul»ga qarşi mehmondagi öyindan boşlaydi va tayyorgarlik uçun vaqti kam böladi.