Барселона Рафинянинг терма жамоага чақирилишидан ҳайрон

Хабарларга кўра, Барселона раҳбарияти Бразилия терма жамоаси бош мураббийи Анчелотти ҳужумчи Рафиняни яна чақирганидан ҳайратда. Бу ҳали расман тасдиқланмаган, шунинг учун ҳозирча буни матбуотдаги маълумот сифатида қабул қиламиз.

Гап шундаки, бразилиялик қанот ҳужумчиси ўтган халқаро танаффусда терма жамоа сафида жароҳат олган эди. Ҳозир у аста-секин тикланиб, аввалги жисмоний ҳолатига қайтмоқда.

Агар у айнан ҳозир яна терма жамоага кетса, ўртоқлик учрашувларида майдонга тушиши мумкин. Каталония клубини айнан шу нарса хавотирга солмоқда.

Терма жамоанинг ноябрдаги ўйинлари

Ноябрда Анчелотти жамоаси иккита назорат ўйини ўтказади. 14-ноябр куни Бразилия Япония билан, 17-ноябрда эса Сингапур билан ўйнайди.

Клуб нуқтаи назаридан ҳаммаси оддий: футболчи жароҳатдан эндигина тикланмоқда, олдиндаги ўйинлар эса расмий турнир эмас, ўртоқлик учрашувлари. Рафиня терма жамоага борадими-йўқми, ҳозирча аниқ эмас.