Рафиня қизил карточкага қарамай Бразилия термасида қолади

Бразилия Японияга 2:3 ҳисобида ютқазди. Сўнги дақиқаларда Рафиня ҳакам билан низодан сўнг тўғридан-тўғри қизил карточка олди. Унинг билан бирга бош мураббий Карло Анчелотти ҳам майдондан четлатилди. Ҳужумчи ўша пайт аллақачон алмаштирилган эди: майдонда 71 дақиқа ўйнади.

Бразилия футбол конфедерацияси вакили Каэтано ўйиндан сўнг қатъий гапирди: Рафиняни уйига жўнатишнинг маъноси йўқ, чунки у жамоа етакчиларидан бири. Навбатдаги ўйинда энг кучли таркибда ким майдонга тушишини штаб хотиржам ҳал қилади, деди директор. Манбаларга кўра, қарор федерация ва футболчининг ўзаро келишуви билан қабул қилинган. Анчелотти бошчилигидаги янги даврда Рафиня терма жамоа сардорларидан бири ҳисобланади.

Футболчининг ўзи четлатилгани учун узр сўради, бироқ ҳакамлик ҳақидаги эътирозларидан воз кечмади. «Ҳакам ҳақида гапирмаслик жуда қийин», деди у. Унинг сўзларича, бразилияликларнинг ҳам тузатиши керак бўлган хатолари етарли, лекин бу ўйинда ҳакам ишини назардан четда қолдириб бўлмайди.

Осиё сафарининг навбатдаги ўйинини Бразилия сешанба, 17-ноябр куни Тошкент вақти билан соат 15:00 да Сингапурда ўтказади. Эҳтимол, Рафиня бошланғич таркибда бўлмайди, Япония билан ўйинда дубл қилган Винисиус «Юниор» эса майдонга тушади.