Rafinya qizil kartoçkaga qaramay Braziliya termasida qoladi

Braziliya Yaponiyaga 2:3 hisobida yutqazdi. Söngi daqiqalarda Rafinya hakam bilan nizodan söng töğridan-töğri qizil kartoçka oldi. Uning bilan birga boş murabbiy Karlo Ançelotti ham maydondan çetlatildi. Hujumçi öşa payt allaqaçon almaştirilgan edi: maydonda 71 daqiqa öynadi.

Braziliya futbol konfederatsiyasi vakili Kaetano öyindan söng qatʼiy gapirdi: Rafinyani uyiga jönatişning maʼnosi yöq, çunki u jamoa yetakçilaridan biri. Navbatdagi öyinda eng kuçli tarkibda kim maydonga tuşişini ştab xotirjam hal qiladi, dedi direktor. Manbalarga köra, qaror federatsiya va futbolçining özaro kelişuvi bilan qabul qilingan. Ançelotti boşçiligidagi yangi davrda Rafinya terma jamoa sardorlaridan biri hisoblanadi.

Futbolçining özi çetlatilgani uçun uzr söradi, biroq hakamlik haqidagi eʼtirozlaridan voz keçmadi. «Hakam haqida gapirmaslik juda qiyin», dedi u. Uning sözlariça, braziliyaliklarning ham tuzatişi kerak bölgan xatolari yetarli, lekin bu öyinda hakam işini nazardan çetda qoldirib bölmaydi.

Osiyo safarining navbatdagi öyinini Braziliya seşanba, 17-noyabr kuni Toşkent vaqti bilan soat 15:00 da Singapurda ötkazadi. Ehtimol, Rafinya boşlanğiç tarkibda bölmaydi, Yaponiya bilan öyinda dubl qilgan Vinisius «Yunior» esa maydonga tuşadi.