Venger FIFA prezidentligiga nomzodini qöyişi mumkin

77 yoşli fransuz hozir FIFAda jahon futbolini rivojlantiriş yönalişiga rahbarlik qilmoqda. BBC maʼlumotiga köra, uni UEFA qöllab-quvvatlamoqda. Aynan UEFA Infantinoga qarşi muxolifatning asosiy kuçiga aylangan. Foot Mercato yozişiça, Venger hali yakuniy qarorga kelmagan. RMC Sport esa javob yaqin soatlarda maʼlum böladi, deb xabar bermoqda.

Nega aynan hozir

Sabablardan biri barbod bölgan Fifa Forward Enterprise loyihasi. Unga köra, jahon çempionatining tijoriy uluşlari xususiy investorlarga berilişi kerak edi. Venger bu ğoyadan özini uzoq tutdi va bayonot bilan çiqdi. Lekin baʼzi boşqa funksionerlar singari FIFAni tark etmadi. Işini odatdagidek davom ettirdi: Syurixda FIFA Kengaşi yiğilişida qatnaşdi, yaqinda esa Ozarbayjonda 15 yoşgaça futbolçilar örtasidagi jahon çempionatida Infantino yonida böldi.

RMC Sport maʼlumotiga köra, Vengerning FIFA bilan şartnomasi 2026-yil oxirida tugaydi, uni uzaytiriş imkoniyati ham bor. Bu esa unga yaqin haftalarda saylovoldi kampaniyasini olib borişga yöl oçadi.

Infantino hamon favorit

Loyiha atrofidagi janjalga qaramay, amaldagi prezident Afrika, Osiyo va Janubiy Amerikada mustahkam mavqeini saqlab turibdi. Yaqinda Afrikaning barça 54 federatsiyasi uni bir ovozdan qöllab-quvvatladi. Bunga qadar Infantino qitʼani moliyalaştirişni oşirişga vaʼda bergan edi. RMC Sportning söngi hisob-kitoblariga köra, 211 federatsiyadan 80 tadan 90 tagaçasi Infantinoga ovoz berişi mumkin.

Vengerning özi butun dunyoda, ayniqsa Afrikada maşhur. U yerda uning Arsenalda qitʼa futbolçilari bilan qilgan işini va jahon çempionatini 48 jamoagaça kengaytirişni qöllab-quvvatlaganini qadrlaşadi. Biroq RMC Sport taʼkidlaganidek, kuçlar nisbatini özgartiriş oson bölmaydi.

Yoş va muddatlar

Yoş masalasi ham savol tuğdirmoqda: Venger tört yillik vakolat muddatini töliq işlab bera oladimi? Foot Mercato maʼlumotiga köra, baʼzi tarafdorlari u saylovda ğalaba qozonib, keyin muddatidan oldin ketişi mumkinligini ham istisno etmayapti. RMC Sport esa bunga boşqaça qaraydi: 2031-yilgi saylovni möljallayotganlar uçun Vengerning yoşi aksinça ustunlik.

Tottenhemning sobiq himoyaçisi Ramon Vega va Yaponiya futbol assotsiatsiyasining faxriy prezidenti Kodzo Tasima nomzodlarini allaqaçon eʼlon qilgan. RMC Sport maʼlumotiga köra, agar Venger oxirigaça bormasa, UEFA FIFA Kengaşi aʼzosi va Vengriya futbol federatsiyasi prezidenti Şandor Çanini qöllab-quvvatlaşga ötişi mumkin.

Keyin nima böladi

Prezidentlikka nomzodlik arizasi 18-noyabrgaça qabul qilinadi. Saylovning özi 18-mart kuni Rabatda (Marokaş) bölib ötadi. Venger bu qadamga jurʼat etsa, uni qizğin kampaniya kutadi: Infantino tarafdorlarini fikridan qaytariş oson bölmaydi. Rasmiy eʼlon bölmagunça bu faqat taxmin, xolos.